قصيدة الام ماتوصف غلاتك

والله ماتوصف غلاك المعاني ..
يا أمي مكانك فى محاجر عيوني ..
ياروحي وقلبي وظحكة زماني..
يافرحة أيامي وبسمة سنيني..
ما أنسى جميلك يا بعد كل فاني..
با أيدك رعيتني وأخذتي با يديني ..
حققتي لي أمال وأحلى الأماني..
وأنا أوعدك يمه يا نور عيني ..
ما أنسى جميلك عطفك ألي خذاني..
ما أنسى يدينك با الغلا تحتويني ..
أوعدك ما أبعد عنك مهما دهاني ..
بعدي محال وقلبك يدق فيني..
أكون أنا وياك كل الثواني..
كفك تزيح همومي ألى تجيني ..
فى ذمتي أحتار مدحك لساني ..
وأعجز عن التعبير بس أعذريني ..